قصيدة الشاعر مشعل الحارثي امام الملك سلمان

قصيدة الشاعر مشعل الحارثي امام الملك سلمان

جوجل بلس

محتويات

    من أهم القصائد هي قصيدة الشاعر مشعل الحارثي امام الملك سلمان، حيث يُوجد عددًا كبير من شُعراء المملكة الذين يفتخر بوجودهم الوطن على أرضه الحبيب، حيثُ يَنظمون الشعر والنثر في مديح الوطن والملك، ومن أهم الأشعار التي تمدح الوطن والملك هي النشيد الوطني للمملكة العربية السعودية الذي يُردّده جميع أبناء الوطن مع إشراقة كل صباح، وقصيدة الشاعر الحرثي التي قام بإلقائها أمام الملك سلمان من القصائد الرائعة التي لقيت إستحسان الملك لما تحوِيه كلماتها من عبارات للمديح البناء، وسنقُوم بسرد الأبيات كاملة لكُم كَما جاءت على لسان الشاعر مشعر الحارثي من خلال هذا الجمهور المتواضع، نترُكَكم الآن مع قصيدة الشاعر مشعل الحارثي امام الملك سلمان.

    قصيدة الشاعر مشعل الحارثي

    الشاعر مشعل الحارثي هو الرائد مشعل بن محماس الحارثي، احد جنود جيش المملكة العربية السعودية ولد الشاعر الحارثي في مدينة الرياض، وحصل على شهادته الثانوية من مدارسها، ثم تقدم إلى الكلية الحربية، ليتخرج في اللواء الثامن عشر بخميس مشيط بالمنطقة الجنوبية، وقد كان منذ صغره مولعا بالشعر والقصائد الشعرية الوطنية.

    خل النياح وفارق العـش يـا طيـر = غرد وهز الريش فـي كـل عالـي
    اليـوم هـذا غيـر وأيامنـا غيـر = والبارحـه ماهـي سـوات الليالـي
    الأرض صارت في عيونـي نواويـر= والبـدر تـم وجامكـان الهـلالـي
    وأبها تحدت فـي بهاهـا الغناديـر = فلـت جدايلهـا وقـامـت تـلالـي
    وفي وجه خالد للفرح ألـف تعبيـر = وحجاج فيصل فيـه كـل ابتهالـي
    من السعادة باقـي شـوي ونطيـر=عز الله ان اللي لفـا الـدار غالـي
    يامـر حبـا مـاغـرد العصافـيـر = يامرحبـا مـازاف نبـت السهالـي
    ترحيب أحلى من حليب المصاغيـر=وضح رعت روض ربيـع وخالـي
    باللي شكت رجله طـوال المشاويـر=ياطابهـا درب الخطـر مايبـالـي
    قرت عيون اللـي يحبـون ياميـر=طاريك.. والاالحيـن شفتـك قبالـي
    ياما حسبت الوقت حسـب الدنانيـر=اسامـر انجـوم الثريـا لحـالـي
    مبطي وانا اسمع فيك وصف البياطير=واليوم جالي في القصيـده مجالـي
    يا سيـدي مـال القوافـي معاذيـر=عـن البيـوت الوافيـات الجزالـي
    من لاجعـل للمـدح قيمـه وتقديـر=ماضنتـي يلفـت ذهـون الرجالـي
    وانت الذي معك السحـاب المزابيـر=تمشي. ميتبعـك الحيـا والخيالـي
    وانت الذي بسمك تبـاع الأساريـر=ومثلك له اسمـاءً عـراضٌ طوالـي
    سلطان يا سلطان من يومك صغيـر=مافي تسلطانـك وشخصـك جدالـي
    كانـوا ولازالويسمـونـك الخـيـر=وياكثر الاسما اللـي تزاحـم فبالـي
    كريـم سبـلا الأزبـون المخاسيـر=طلـق الحجـاج الابعيـد المدالـي
    درع البـلاد الاطـويـل الاشابـيـر=أبـو اليتيـم الاعشيـق المعـالـي
    لو الله ابن مسطر المجـد تسطيـر=على حصـى الأرض ونفودالرمالـي
    واخو فهـد ذروة سنـام المشاهيـر=صفوت ملوك الارض بـاول وتالـي
    فهـد ولاقلنـا فهـد جـاوب النيـر=تهتـز لسمـه راسيـات الجبالـي
    زعيمنا اللي للعـلا واصـل السيـر=حتـى تعلينـا علـى كـل عـالـي
    مال الطموح بوسط راسـه معاييـر=ولا للعوج عنـده ياكـود اعتدالـي
    اليازعل تزعـل ملـوك وجماهيـر=وليا رضى ينهـى جميـع الجدالـي
    ما يشبه غير الثنيـن ألمنـا عيـ=رانته وابو متعـب كريـم السبالـي
    عبدا لله اللي فيه من سالـم الزيـر=خطل اليمين الليـث حـام التوالـي
    سقم العـدو الياهـرج دون تفكيـر=رده على العـدوان جاهـز وحالـي
    نفخـر بكـم والاالقصايـد تعابيـر=يا شيوخ نجد الشعب كلـه موالـي
    والله لوفيكم عـن الملـك تقصيـر=ما خصكـم ربـي عظيـم اجلالـي
    منا وفينـا مـا لفيتـو مـداويـر=حكامنـا وقـت الدهـور الهزالـي
    ورث الجدود امن الليال المعا سيـر=قبل القصور وقبل صـرف الريالـي
    هاك الزمام سلاحنـا حملـة بعيـر=ومـن يومهـا متوثقيـن الحبالـي
    منها جنـا واضـح ولافيـه تغييـر=نموت مـا نرضـى عليـه البدالـي
    ما استعمرونا اللي غذاهـم خنازيـر=تشهد لنا شهب السنيـن الخوالـي
    من قبل عاشر جد ابو بوش وبليـر=ماهي ثـلاث شهـور والاحوالـي ؟
    واليوم فـي وقـت الرخاوالتياسيـر=شفنـا العجـب لااوالله الاالهبالـي
    يا كثر ما قمـت تسـوق المقاديـر=وياشيب عينـي لاذكـرت وطرالـي
    المسجد اللي هزه أصـوات تفجيـر=في حـزة فيهـا يجـاب السوالـي
    والمسلم اللي ذبح مـن دون تبريـر=ودم الرضيع اللي على الوجه سالـي
    ينشدك يا مكفر هـل الديـن تكفيـر=وش حكم ذبح المسلميـن العزالـي
    تدبـر القـران والـهـدى تدبـيـر=واخذ الجـواب بصيغـة والكمالـي
    فضحكم الله يـا لوجيـه المغابيـر=ياطغمـة التخريـب والانحـلالـي
    واللي على الفتنـه تـدق المزاميـر=نعرف مطامعهم علـى كـل حالـي
    ونعرف من يدفع رسـوم الفواتيـر=يا لحيه اللـي جحرهـا الاحتلالـي
    لنحورهـم حنـا سـوات الازاريـر=حنا حمـاة الديـن ياهـل الظلالـي
    الأرض نزرعهـا رمـاح ومساميـر=يحـرم عليهـم وطيهـا بالنعالـي
    ديارنا مـا هيـب كابـل وكشميـر=ياهمـلالـي صــدق ياهمـلالـي
    حامينها الاجـداد عـج ومعاصيـر=بسيوفهـم علـى ظهـور الجمالـي
    واليوم يا سلطـان شفهـم طوابيـر=ملو من المجلاس تحـت الضلالـي
    يبـون يـوم فيـه للحـق تكبيـر=عـن الكـلام تبـان فيـه الفعالـي
    ياسيدي قل وش تبي بـس ويصيـر=حدد هدف لـو هـو عسيرالمنالـي
    فالجـو نفاثـه وفالقـاع جنـزيـر=وان مت هاك اليوم من طيب فالـي
    هـذا وطنـا ماسكـنـاه تهجـيـر=الجيش واحـد ماجمعنـا الحثالـي
    لوينتخـي عرعـر تلبيـه خرخيـر=كل الجنوب يصير جنـب الشمالـي
    لا يا وطن لا تحسـب انـا مدابيـر=لوالدهر في بعـض الاحيـان مالـي
    طالبك لاتجفل مـن الوقـت وتذيـر=وكــلٌّ ابـنـاك وبالله الاتكـالـي
    وان كان ما شفت السعد والتباشيـر=عيـبُ علينـا لبسـنـا للبـدالـي
    نذرً على لحرسـك وافديـك واغيـر=ديني وعرضي فيـك واغلىحلالـي
    واللـي ياثـر فيـك بيـات تاثيـر=ابرى منـه لوكـان عمـي وخالـي
    وان مت واخذتني صروف المقاديـر=والله لوصـي فيـك حتـى عيالـي

    رابط مختصر :

    مواضيع ذات صلة لـ قصيدة الشاعر مشعل الحارثي امام الملك سلمان:

    تعليقات الزوار

    اترك تعليقاً