قصة البطة المغرورة بوربوينت مكتوبة كاملة

قصة البطة المغرورة بوربوينت مكتوبة كاملة

جوجل بلس

محتويات

    قصة البطة المغرورة بوربوينت مكتوبة كاملة، يستمتع الكثير من الأطفال في سماع القصص قبل النوم وغيرها من الأوقات الأخرى، بالإضافة الي أن القصص متنوعه وشيق، تثير إهتمام الكثير من الأطفال، كما ان القصص من الأمور التي يهتم بها الكثير منهم، والتي يتم قرائتها عليهم قبل النوم عادة، وفي هذا الجمهور سنعرض عليكم أشهر قصة يفضلها الكثير من الأطفال، وهي قصة البطة المغرورة بوربوينت مكتوبة كاملة، ويمكنكم تحميل قصة البطة المغرورة كاملة من خلال ملف بي دي أف pdf، بالإضافة الي ان فريق عمل صحيفة وطن كتب لكم القصة كامل فتابع معنا.

    قصة البطة المغرورة مكتوبة كاملة

    كان يامكان ياسادة ياكرام مايحلى الكلام الا بذكر النبى علية الصلاة والسلام، وكانت البطة البطوطة شايفة نفسها اجمل واغنى واحلى بطة واحلى مخلوق على الارض، وفى يوم من الايام قامت البطة وراحت على الجنينة وجمعت ورد وفل وياسمين وعملت بيهم عقد جمييييييييل جدا ولبستة فى رقبتها وكانت مبسوطة جداا من نفسها وتبص فى البحيرة وتقول لنفسها انا بطة جميلة وشكلى حلو الله على جمالى انا بطة مفيش حد فى حلاوتى، وفى يوم وهى ماشية تتمشى قابلها الديك وقالها صباح الخير يابطة.

    قامت البطة ياحبيبى ياحلوين معبرتوش ولا رديت علية السلام ورفعت منقارها لفوق ومشيت وسابتة، والديك كان مستغرب ويقول لنفسة هى البطة مالها حد زعلها، كملت البطة مشى وقابلت القطة وبرضة القطة قالتلها ازيك يابطة عاملة اية، لكن ياعينى البطة برضة ماردتش عليها ورفعت راسها لفوق فى شموخ ومشيت وسابت القطة، وكملت مشى فى الطريق وقابلتها المعزة وقالتلها صباح الخير يابطة وبرضة البطة ماردتش عليها، وفضلت البطة ماشيه رافعة منقارها لفوق ومبسوطة بريشها الجميل والوانها الحلوة والعقد الجميل بتاعها.

    وبعدين قابلها الخروف الكبير وقالها ازيك يابطة يابطوطة بس ياخسارة برضة ماردتش عليها، ومشى الخروف زعلان ويسأل نفسة هو انا عملت اية وحش ولا عملت اية غلط فى البطة علشان ماتردش عليه، وفضلت البطة ماشية رافعة راسها لفوق فى السماء ومنقارها لفوق ومش باصة قدامها لغاية مادخلت فى عمود كبيييييييير وهى، مش واخدة بالها واتعورت ومنقارها اتعور وجسمها اتجرح وريسها اتقطع والعقد الجميل اتقطع ووقعت على الارض والتراب جه على ريشها الجميل وقعدت تعيط

    بصيت لاقيت كل الحيوانات والطيور اللى سلموا عليها من شوية وهى ماردتش عليهم جاين وبيمدوا ايدهم ليها علشان يشيلوها، من على الارض ومعاهم شنطة الاسعافات الاولية وربطولها منقارها وجروحها، وعرفت البطة انها كانت غلطانه فى حقهم وان ربنا بيجزيها على غرورها، واعتذرت البطة لكل اصحابها وقالتلهم انها هاتجمع ورد وفل وياسمين كتييييييييييير وتعمل عقد لكل واحد منهم، وفعلا عملت لكل واحد عقد جميل ولبستهوله فى رقبتة، ورجعوا اصحاب وحبايب وحلوين مع بعض والبطة البطوطة ماعدتش مغرورة، وتوتة توتة فرغت الحدوتة حلوة ولا ملتوتة.

    رابط مختصر :

    مواضيع ذات صلة لـ قصة البطة المغرورة بوربوينت مكتوبة كاملة:

    تعليقات الزوار

    اترك تعليقاً